Category: 移英生活百科
【LinkUHK】根據英國《Metro》新聞報導，日常駕駛行為中有唔少「細錯誤」可能令你付出昂貴代價。來自保險平台 Compare the Market 嘅研究發現，超過 70% 英國司機曾經犯下某種形式的駕駛違規，甚至有人唔知自己已違法！ 最常見的違規行為包括： 🔹 車門未關好就起步一不小心門未關緊就開車，除咗危險外，更可能導致最高 £1,000 罰款。雖然好似無人發現，但萬一有事故或警員巡查，後果可大可小。 🔹 駕駛時用手機導航根據最新法例，司機即使將手機放在支架上，但只要開車期間用手觸碰手機、改導航路線，都會被視為違法，罰款 £200＋扣6分。 🔹 交通燈變綠前搶先起步有司機等唔切紅燈變綠就起步，這樣容易構成「危險駕駛」，一經發現，警方可即場罰款甚至提控。 🔹 安全帶未扣好即使只係行短程、慢速移車，如果司機或乘客未有扣安全帶，根據法例仍然屬違規，罰款可高達 £500。 🔹 車廂內雜物過多，導致分心不少司機車廂內堆滿外賣、飲品、雜物，呢啲物件喺行駛期間有機會移位，甚至影響煞車操作，屬於潛在危險源頭。 研究特別指出，18-24 歲年輕司機違規機率最高，尤其喺使用手機、車內社交行為、駕駛不專注等方面表現較差。而熟悉法規並定期複習 The Highway Code 的年長駕駛者，則明顯表現較安全。 Compare the Market 保險專家提醒，唔少人以為「唔中招就無事」，但一旦違規紀錄入案，除咗即時罰款，仲可能導致汽車保險上調 20-30%，長遠成本非常高。 此外，唔少違規會透過交通攝影機即時自動記錄，一般以郵件寄出罰款通知書。若司機未及時處理，甚至可能面對法院傳票。 Fun Fact：英國駕駛陷阱知多少？• 📱 車內用手機即使導航，都有機會違法。• 🚪 未確實關門即開車＝最高 £1,000 罰款。• 🛑 停車未扣安全帶，一樣中罰單。• 🚦 交通燈未轉綠就起步，有機會罰款或扣分。
【文｜Ms R（中藥養生× 手作美食）】 在繁忙的生活中，很多人總想找一種既簡單又有效的方法，照顧自己的身體。今天想跟大家分享的，就是養生飲品——冰糖陳皮燉檸檬，它結合了中醫藥食同源的智慧與現代生活的便利，不僅美味，更有助於潤喉、健脾、理氣、化痰。 ✨【冰糖燉陳皮檸檬の奧秘 】✨ 💬 同大家傾吓偈先～ 過去十日我化身「中藥偵探」🔍，翻遍《本草綱目》《隨息居飲食譜》等古籍，仲對比現代研究論文，就係為咗同大家拆解呢個家傳秘方嘅科學真相！（睇到眼矇都唔敢馬虎，每個資料都反覆求證㗎🥲） 而家終於整理好呢份「終極指南」，但心大心細： ▸ 寫得太多？驚你哋睇到悶😴 ▸ 寫得太簡？又驚講唔清關鍵💔 最後決定 【專業資料+懶人包】並行！ 🌟 如果覺得呢份嘔心瀝血嘅整理幫到你，而你又欣賞我嘅用心💖，記得比個 Like👍 作為鼓勵，等我知道你哋仲有興趣睇落去！ （你嘅支持係我熬夜查資料嘅最大動力🥹） 上回講到冰糖燉陳皮檸檬嘅神奇功效，但點解有人飲完「喉嚨即時舒服晒」，有人卻話「完全冇感覺」？🤔 👉 究竟問題出喺邊？ 🧐 係材料選擇？ 🧑🍳 係處理方法？ 👉 今篇，就等我哋一齊深入拆解呢 3 種關鍵材料，了解佢哋點樣影響燉品效果！ 💡 有冇可能，你一直以為自己飲緊「正宗」冰糖陳皮燉檸檬，其實材料早已影響咗效果？ 🔍 事不宜遲，先來認識今日的三位主角！ 陳皮簡介🏺 📌 藥食同源:可作中藥，也廣泛應用於烹飪。 📌 來源:來自芸香科植物橘及其栽培變種的乾燥成熟果皮。 分類與產地*🌍 🔸 陳皮:主要來自福橘、朱橘、大紅袍、溫州蜜柑，產於四川、浙江、福建等地，自產自銷。 🔸 廣陳皮:來自茶枝柑及行柑，產於廣東新會、四會，銷往全國並出口。 性味歸經與功效*🌿 🔥 性味:性溫，味苦、辛。 🫁 歸經:肺經、脾經。 💨 功效:理氣、健脾、燥濕化痰。 🩺 作用機制: 中醫理論中，脾為生痰之源，肺為貯痰之器，所以： 🔹 健脾氣—減少痰源的產生。 🔹 理肺氣—改善痰的貯存及排出。 命名由來📜 古人採用橘皮主要以陳為佳，藥材名稱中的「陳皮」之名因此而得名。俗語有說：”一兩陳皮一兩金，百年陳皮勝黄金”，足見陳皮越陳越珍貴，時間長了價值甚至超過黃金。 📌「陳」用之名:存放時間越長，烈氣消散，減少副作用，提升療效。 📌 成分變化:陳皮中的橙皮苷含量隨時間增加，但揮發油逐漸減少。 止咳化痰的關鍵成分💎 🌿 揮發油(檸檬烯、松油烯）：促進痰液排出，舒緩咳嗽。 🍊 黃酮類化合物(橙皮苷）：抗炎、抗氧化，減少氣道炎症。 陳化與成分變化🔄 ✅ 優點 🔹 黃酮類及多糖穩定性增加:健脾理氣效果增強。 🔹 風味改善:揮發油轉化，使氣味更濃郁、香醇。 ⚠ 成分流失 🔹 揮發油減少:影響藥效及風味。 🔹 活性成分氧化:可能降低功效。 檸檬簡介🍋 📌 植物分類：芸香科植物黎檬或檸檬的果實。 📌 古代名稱：「宜母子」，因其酸味與生津功效而得名。 📌檸檬在古代藥用記載中，通常與其酸味及生津功能相關。以下是對檸檬的歷史及中醫角度的整理： 性味歸經與功效🌿 🥶…
喺英國生活嘅朋友，相信對冬天又濕又冷嘅天氣絕對唔陌生。長期處於潮濕寒冷環境中，唔單止令手腳冰冷，仲可能令身體疲倦、抵抗力下降。其實，唔需要太複雜，每日簡單浸一浸腳，已經係一種養生又易做嘅保健方法。 中醫認為「寒從腳生」，腳底係身體嘅「第二個心臟」，有好多重要穴位。腳底有多個重要穴位，通過刺激呢啲穴位可以達到調節身體嘅作用。熱水浸腳唔止可以促進血液循環，仲可以驅寒保暖、改善睡眠、增強免疫力。對大人小朋友都好有益。常見嘅穴位包括： • 湧泉穴💧：幫助補腎、驅寒同增強免疫力。 • 太谿穴🦶：有助溫補腎陽，令手腳變得暖和。 • 足三里穴🦵：促進胃腸健康，提升體質。 喺香港可能會用艾葉、生薑等中藥材浸腳，但英國唔容易買到艾葉，寶媽會用啲乾或新鮮香茅、薑片、玫瑰花來代替，效果一樣好，仲有天然香味，浸住腳個人都放鬆咗，天然溫和，適合一家人使用： 1. 生薑（Ginger） 生薑性溫，具有驅寒活血功效，尤其適合怕冷手腳冰冷嘅人。建議切片後煲滾10分鐘，用薑水浸腳15-20分鐘，效果最好。 2. 乾香茅（Dried Lemongrass） 英國較難買到艾葉，但香茅有類似祛濕驅寒效果，可作代替。香氣亦有助放鬆心情，用法同樣係煲水後倒入腳盆浸腳。 3. 乾玫瑰花（Dried Rose Buds） 玫瑰花可疏肝解鬱、調理氣血，對女士或情緒緊張人士特別有幫助。浸腳同時吸收香氣，有助紓壓、改善睡眠。 加碼推薦： 如果感冒、鼻塞，可加入薄荷葉一齊泡腳，有助通鼻舒緩症狀。 浸腳注意事項： 水溫建議保持37-40°C 浸腳時間15-20分鐘 浸完腳後務必擦乾腳部，著襪保暖更佳 ⚠️以下人士浸腳要留意： 糖尿病患者：末梢神經較遲鈍，切忌用過熱水，易燙傷。 腎病患者：浸腳時間需縮短至3-5分鐘，可配合按摩。 孕婦或經期婦女：可用暖水浸腳舒緩不適，但避免刺激腳底穴位，唔建議加藥材或按摩。 每日10分鐘的浸腳時間，就可以簡單為自己同屋企人建立一個保暖、舒壓、抗寒的生活小習慣。即使身在英國，都可以好好照顧身體、養好元氣。 Credit: 寶媽陪月站 https://www.facebook.com/po.mastation https://www.instagram.com/po.mastation https://www.facebook.com/pomaleavehktouk
對喺英國生活嘅朋友嚟講，母親節唔係五月，而係今日（3月30日）！ 好多香港人都會搞亂，以為全世界都係一樣日子，其實唔係。 英國嘅母親節叫做 Mothering Sunday，係一個源自基督宗教嘅傳統節日，日期唔固定，係根據教會曆法嚟計，每年復活節前第三個星期日舉行。所以今年就啱啱係今日。 相比之下，香港同美國就係每年五月第二個星期日，相對穩定。 英國母親節小知識： • 最初係俾信徒返「母堂」——即係自己出世嗰區嘅教會 • 慢慢變成探媽媽、送禮、食飯嘅家庭日 • 有啲英國人仲會整返傳統嘅 Simnel Cake（一種杏仁膏蛋糕） 無論你媽咪喺香港定英國，日子唔同但心意一樣～ 喺英國記得提早準備，唔好等到五月先慶祝呀！ #英國母親節 #英國生活 #在英港人 #母親節冷知識 #MotheringSunday #LinkUHK #英國文化小知識 #移英生活 #母親節提早咗 #SimnelCake係咩嚟
英國會喺3月30日（星期日）凌晨1點（GMT時間）將時鐘撥快一小時。 呢個時間代表緊 格林威治標準時間（GMT） 結束，開始咗 英國夏令時間（BST），又叫做 日光節約時間（DST）。 如果你成日唔記得係撥前定撥後，可以記住呢句英文：「Spring forward, fall back（春前秋後）」，咁就容易記得。 🌞 日照時間越嚟越長 春分(Spring Equinox) 已經過咗，北半球大部分地區而家每日都有超過12個鐘頭嘅日光。撥快時鐘即係話，日出時間會推遲一個鐘。 啱啱轉咗時間之後，早起身嘅人會覺得天光遲咗；但相反，黃昏會光啲，因為太陽遲啲先落山。 日出同日落時間都會延長，到夏至（6月）時，蘇格蘭北部一日會有接近19個鐘嘅日照。 你可以上 BBC天氣網站 或用佢哋個App查下你當地日出日落嘅時間。 🕰️ 點解會有日光節約時間？ 日光節約時間（DST）係夏天時將時鐘撥快一個鐘，最早係 1916年由德國 推行。 當時因為第一次世界大戰，想慳電，就利用晚間多啲自然光，減少用燈同暖氣。 德國搞完之後，其他國家都跟住做，包括英國，叫做 British Summer Time（BST）。 去到第二次世界大戰，英國更加實行咗 雙倍夏令時間（British Double Summer Time），即係夏天撥快兩個鐘，冬天只撥慢一個鐘，咁就成日比GMT快一個鐘，增加日光時間，提高生產力。 ⚖️ 支持與反對夏令時間嘅講法 支持夏令時間嘅其中一個原因係：夏天晚啲天黑，交通意外減少咗好多。 英國曾經喺1968年做過三年實驗，全年用BST。當時車禍真係少咗，但之後有人認為，主要係因為1967年實施咗新嘅酒駕法例。 但對蘇格蘭北部嚟講就冇咁好，冬天有啲地方朝早10點先天光，反而多咗交通意外。蘇格蘭政府一直反對冬天都用BST。 另外，有啲人覺得每年調兩次鐘好似令人有輕微時差，特別係春天嗰次，少咗一個鐘瞓覺，會影響精神狀態。 不過依家有智能手機自動更新時間，記得調鐘都方便咗。 目前英國冇打算改變而家嘅日光節約時間做法。 🌍 其他國家有冇實施夏令時間？ 英國同大部分歐洲國家一樣，係 3月最後一個星期日撥快一個鐘，10月底撥返慢一個鐘。 但唔係所有國家都係同一日轉。 例如 美國 今年係 3月9日 撥快，會喺 2025年11月3日 撥慢，啱啱係英國遲一個星期。 澳洲 因為入冬，會喺 4月6日 將時鐘撥慢。大部分地方都撥慢一個鐘，但 Lord Howe Island（羅德豪島） 只撥慢30分鐘，咁就同新南威爾士州時間同步。 PHOTO: BBC WEATHER WATCHERS/ VIDEOMAN
📩 有讀者問：到底點樣先可以喺英國做到球證？有咩條件同手續？今日就同大家講解一下！ 🧐 成為球證有咩基本要求？ ✅ 熱愛足球 ❤️✅ 能夠適應各種天氣 ☀️🌧️❄️✅ 承受比賽壓力 💪 📚 唔需要擔心球例問題，因為課程會詳細教你！好多踢咗多年波甚至係教練嘅人，上完課先發現自己對某啲球例理解係錯嘅，所以只要用心學，一定無問題！ 📍 報名程序 ⚽️ 英格蘭球證培訓由各郡足球總會（County FA）負責，半職業球證由英格蘭足總統一管理，而職業賽事球證則由PGMOL負責。 💡 想報名學做球證，就要聯絡你所屬嘅郡足總，可以去佢哋網站 Referees 部分睇詳情。雖然每個郡足總流程可能有少少唔同，但大致步驟如下： 🏅 第一步：申請 FA 編號（FAN） 🔹 你首先要申請 FA Number (FAN)，呢個係所有足球參與者（球員、教練、球證等）嘅身份編號。🔗 申請 FAN 教學 👉 按此 🎓 第二步：完成網上學習 ✅ 用 FAN 登入系統，完成一系列免費嘅網上課程，學習基本球證知識，每個部分都有小測驗，但可以重複做到啱哂為止。 🛡️ 第三步：安全培訓（Safeguarding） 🏆 必須完成 Safeguarding for All 課程，確保參與足球運動嘅人免受欺凌或侵犯。🔗 課程連結 👉 按此 💰 第四步：報名面授球證班 📌 完成網上課程後，就可以正式向郡足總報名 面授球證班，費用大約 £150-160（視乎郡足總）。⚠️ 有啲地方球證班報名爆滿，可能要填表等候通知。 📆 第五步：參加面授課程 📌 課程時長：📍 星期五晚上（課室學習，球例深入討論）📍 星期日全日（上晝課堂 + 下晝戶外實習，包括哨子運用、手勢、走位及旁證旗號等） 🚀 第六步：成為 Trainee Referee 📌 完成課程後，你會成為 Trainee Referee，可以開始執法草根足球賽事。📌 如想執法 青年賽事，需額外完成 Safeguarding for Children 課程及 DBS（無犯罪紀錄證明）。 🎖 第七步：累積經驗 & 取得資格 📌 部分足總會幫你安排比賽，部分則需要你自行聯絡地區聯賽加入 panel referee。📌…
特別嗚謝 – 有自唔在去做球證@ Facebook Page 分享資訊 今次好高興認識到有自唔在去做球證既kenneth 去分享佢係英國由零開始做球證既心路歷程, 去到結尾 會有一個詳盡既做申請做球證既教學 第一篇 自細對維護公正嘅工作就有熱誠，所以大學揀科嗰陣係有揀讀Law，但係因為自己懶，所以就算攞住個conditional offer最後都係入唔到，結果走咗去讀電腦。 可能就係呢一點遺憾，又鍾意踢波，於是就想去做足球球證。有一日睇報紙嘅體育版，見到香港足總話有球證訓練班，於是就膽粗粗咁走去何文田報名。經過一個暑假嘅課程，加上筆試合格同完成實習，就成為咗一個足總嘅「三等球證」，開始被足總委派去為丙組同青年軍嘅賽事執法。 我認我後生嘅時候真係一個懶人嚟，除咗唔勤力讀書，運動都唔係特別積極。每年足總都要為球證做體能測驗，唔合格就要「停牌」，結果做咗幾季之後就因為懶唔練跑，過唔到體測而要畀人抽起冇得做。但諷刺嘅係我每季嘅導師評核報告都話我嘅體能好好，全場奔跑，而偏偏喺體測就肥佬。但我亦都認為當時以Cooper Test作為體能測驗並唔能夠切實評估到一個球證係咪有足夠體力去應付一場球賽，所以我亦冇打算再練跑去參加補考，於是就係咁樣我就脫離咗足球球證嘅行列。 但點解最後我又會喺英國再做返球證，下次再寫。 第二篇 由香港球證做到英國球證 滿以為從此唔會有機會可以再「執雞」，點知嚟到英國，阿仔入咗屋企附近嘅球隊，每個星期都有比賽。球證喺英國係供不應求，流失率極為嚴重。一般青年賽事嘅旁證更加係由家長或者教練/助教義務兼任，我就係咁樣就由「揸旗」開始，慢慢再喺球場上重拾執法嘅工作。 直到有一次，阿仔有一場波連球證都請唔到，於是我就「身痕」同教練自動請纓話不如畀我試吓做球證啦。完場後教練話我嘅表現一流，話不如以後每個禮拜都mark住我啦！我於是就上網搵料，原來英國嘅球證粗略分為七等，五等或以下嘅草根足球球證係唔需要通過體測嘅，心諗仲唔係「機會嚟喇飛雲」？所以就去報讀郡足總攪嘅球證班，一心諗住填補返後生時嘅遺憾。 去到報名page先知原來嗰個人季嘅球證班已經滿額（又話冇人肯去做球證嘅？），但就可以留名等下季開班嘅時候優先報名。等到23/24球季，收到足總嘅email，入面有一條報名嘅link，話某日嘅朝早九點就會接受優先報名。到咗嗰朝，我揸緊車，再收到提示話可以開始報名，我於是就泊架車埋一邊諗住用個電話填form交錢，點知個電話嘅browser load張form又畀唔到錢（要成£140㗎），但呢啲嘢點會難到我？早有準備嘅我就走去車尾度攞部MacBook出嚟再報過，點知就係呢少少嘅延誤，原本想報十一月嘅嗰班已經滿咗，得返二月同五月揀，咁就只好報二月嘅課程，其間先要上幾個球例嘅網課，再繼續做住義務家長球證先。 到咗2月頭終於有機會去上Surrey FA開辦嘅球證班，成個課程係分兩日，一個晚上三個鐘，另外一個全日八個鐘，合共十一個鐘。當中有理論講授，導師經驗分享同埋戶外實踐。 上完堂之後就要做五場9v9或以上嘅球證，完成後先會正式成為一個合資格嘅英國七級球證，亦即係初級球證。 咁上堂嘅情形係點？下篇再講。 第三篇 臨老先嚟上堂 第一晚一入到去，眼見個個都係十幾歲嘅年青人，有返我當年喺香港足總（係香港足總，唔係中國香港足總）上球證班嘅感覺（唔同嘅係我已經係中佬一名），我搵個位坐低，就同隔離位嘅一位年青人吹水，問佢點解會嚟上堂，佢嘅回答確係令我驚訝，佢話佢本身係唔踢波嘅，嚟上堂只係想感受吓做球證係咩一回事！後生仔始終係後生仔，接觸吓唔同嘅嘢都係好嘅，不過球證呢份工作，如果唔係對足球有強烈嘅熱誠，真係好難會做到落去。我見有其他香港人post自己喺英國做球證，佢形容嘅工作範圍係「畀人屌」，「簡單啲講就係一個唔會懷孕嘅妓女」，字裡行間已經透露出有幾辛酸。 課程中導師有分享到實際落場時嘅執法技巧，比起當年喺香港上堂時嘅導師分享更為貼地（當年我的導師都係香港嘅國際球證, 如陳譚新，張國駒，董炳炎，陳蔭明等），總算是獲益良多。 完成兩日嘅課程之後，就成為註冊球證，等級為Trainee，做夠五場賽事嘅執法後，就會正式成為合資格球證，同埋升級到第七等，而為英超執法嘅球證就係第一級或者終極嘅國際球證。 喺英國做球證，同香港唔同嘅地方係，喺香港做球證，係會有人編配工作畀你，只要你肯做，唔憂冇得做。但喺英國，尤其係初出道嘅球證，你係要自己去搵賽事執法。因為英國嘅草根足球 (Grassroot Football) 賽事，一般都係由主隊負責安排執法球/旁證，所以即係要四出搵機會，其中一個方法就係send email去搵每個聯賽祕書同埋球隊教練自薦。最近開始有啲中介app可以幫手幫球隊搵球證，但係啲執法機會都係非常搶手。就好似Deliveroo同Uber Eat啲車手一樣，一見有外賣單就有人會搶住去接。 我比較好彩，同大仔隊波嘅教練都算熟絡，我會義務幫佢哋主場做球證，作客就做旁證，所以至少都會有啲機會喺今季完結前儲夠經驗值去攞個資格，之後下一個目標就係要儲多25場執法，通過考核去升級，睇吓自己可以去到幾遠。 做完喺英國第一場波之後嘅星期一，我就交咗我喺英國嘅第一份球證賽後報告，當然只係好簡單咁喺張form度剔咗「沒有紀律及不檢行為需要報告」，希望唔會有朝一日寫report寫到手軟。 如果睇完好有興趣, 球證申請連結 按此 分享轉自 有自唔在去做球證: https://www.facebook.com/hkrefereeinuk