港書館 — 讓歷史文化承傳
港書館——
非牟利共享繁體中文書籍平台
喺英國嘅香港人，有冇試過想睇一本繁體中文書，但喺當地好難搵到？又或者好掛住香港文化，但發現閱讀資源好有限？
今日要同大家介紹一個喺英國港人圈子裡面極具意義嘅平台——港書館。佢哋唔單止為英國港人提供繁體中文書籍借閱服務，仲承載住保存香港文化、語言同價值觀嘅使命。
“閱讀不只係一種消遣，而係一種文化傳承。讓每一本書，更有價值地生存。”
港書館嘅理念同使命
港書館唔單止提供一個借閱同分享繁體中文書籍嘅平台，佢哋更希望透過閱讀，延續香港獨有嘅歷史、文化同價值觀，令新一代移英港人都可以保持同香港文化嘅聯繫。
港書館點樣運作
1. 成為港書館會員
2. 開始借書或分享書籍
3. 通過郵寄收到書籍，享受閱讀時光
4. 借閱期完結後，將書籍寄俾下一位讀者
💡借閱係免費嘅，但會員需要自行負擔郵費，每次郵寄費用大約為 £2.1 – £3.75（按書籍重量及大小計算）。
💡另外鼓勵大家分享書籍閱讀，更會有分享書籍獎勵計劃– 形成知識共享同流動，令文化更易傳承。(詳情留意港書館網頁)
LinkUHK 寄語
多謝港書館俾個機會我哋 LinkUHK參與呢個咁有意義嘅角色，協助香港閱讀文化同歷史嘅傳承！👉 如果你都想喺英國延續香港文化，保持同香港社區嘅聯繫，希望你可以加入港書館！讓香港閱讀文化歷史傳承，鞏固身份認同，延續香港精神！